Medicare

Ons het vandag gaan aansoek doen vir Medicare. Slegs "permanent residents" of ozzies, kan daarvoor kwalifiseer, maar omdat ons alreeds aansoek gedoen het vir ons PR (permanente residensie visa), en kon bewys dat ons dit wel gedoen het, kon ons vandag aansoek doen vir ons Medicare.

Ons het 'n brief van ons agent gekry, wat hulle weer op hul beurt by DIMA gekry het, as bewys dat ons wel aansoek gedoen het vir PR. Ons het hierdie belangrike brief, met ons paspoorte na die Medicare kantoor geneem, en binne 10 minute het ons met ons tydelike Medicare "slippies" in die hand gestaan. Hulle sal die permanent kaart pos, en ons sal dit binnekort kry. Nou is ons ook geregtig op gratis medies van die staat. Al waarvoor hul nie betaal nie is vir 'n bril of kontaklense, maar hul betaal wel vir 'n oogtoets. Hul betaal ook nie vir 'n tandarts nie.

Ons is op "private medical aid" omdat ons sponsor dit vir ons moet betaal. Maar ons moet self die doktersrekening en medisyne betaal, en dit dan terug eis, waarvan ons net 80 % terugkry. Nou kan ons dokter toe gaan, en nie 'n sent betaal om die dokter te sien nie. Ons dokter ('n Afrikaanse vroue dokter), doen "bulk billing", wat beteken dat hulle self die eise vir doktersbesoeke ingee by Medicare, die pasiente hoef dit nie self te doen nie. Daar word ook net 'n bedrag vir medisyne betaal, wat nie meer as 'n sekere bedrag is nie.

Vir ons is dit net nog 'n mylpaal wat ons bereik het, op ons pad na "citizenship".