Ek het dit, ek het dit, ek het dit!!!!!

Genoeg is genoeg!!! Ek het besluit ek is moeg om te stres oor alles wat nog gedoen moet word voordat ons weer voel ons lewe is op “track”.


Ek het besluit ek gaan nou my leerlinglisensie kry, “by hook or by crook, by hell or by fire!!”. Dit moet nou gedoen word!!!


Ek moet my alie in rat kry, die boek vat en begin leer, en nog so ‘n paar aanlyn oefeninge doen, sodat ek voorbereid is vir die toets! Hierdie ma gaan dit nie weer oor doen nie!!


Ek het gisteroggend baie gedetermineerd opgestaan, die boek gegryp, en in die sitkamer, weg van die geraas van die kinders se DVD’s, gesit en “swot”. Natuurlik moes die ding my gryp in die vakansie, maar ek het besluit om deur te druk, die “kiddies” moet maar bietjie hulself vermaak.


Vanoggend het ek opgestaan met ‘n wil van my eie, aangetrek, en Kippa-Ring toe gery om te gaan skryf. Daar gekom, besluit jy watter blokkie op die skerm om te druk, vat jou nommer en gaan sit en wag tot jy geroep word. Daar is maar baie vlinders in die maag!!! Dis nie grappies om nadat jy al vir 22 jaar jou lisensie het, weer van vooraf te moet begin nie.


Uiteindelik word ek geroep, en die dame is te vriendelik. Gesels en verduidelik ‘n paar keer vir my dat as ek ‘n vraag nie verstaan nie, ek net vir haar moet kom vra om dit vir my te verduidelik. Baie nice! Ek gaan sit toe sommer daar in die wagkamer by ‘n tafeltjie, en begin skryf. Maklik man, baie maklik, net soos die oefeninge op die internet.


Daar is so 1 vragie waarvan ek nie seker is nie, nommer 27, maar ek besluit om te raai, en hoop dis die regte een. Toe ek klaar is staan ek daar rond en wag tot ‘n toonbank oopgaan, en gee vir die dame my vorm om te merk. En ........... 100 %!!! Nie eers 1 verkeerd nie, so ek het reg geraai met nr 27!!!


So maklik soos dit. Geen afspraak nodig nie, en toe my toets gemerk is en ek “pass”, neem sy dadelik ‘n foto. Sommer net so met my deurmekaar gewaaide hare. En 2 minute later het ek my “Learners Licence” in my hand.


Dog ek gaan net so ‘n papiertjie kry soos ek 23 jaar terug in SA gekry het vir my “learners”, maar hier werk dit toe nie so nie. Sou seker as ek dadelik my bestuurtoets gaan doen het, maar ek sal maar eers weer myself goed moet motiveer voordat ek dit aanpak.


Nou nog net die bestuurtoets!!!


En so tussen al die vlinders deur en die stress, het ek gou al ons dokumente wat nodig is vir ons 856 ENS visa aansoek, vir die agent in Sydney gekourier.