Ek kan nie glo hoe die tyd verbygaan nie. Met ouma hier is daar nie baie tyd vir netwerk nie.Ek het ook 'n kontrak gekry by 'n skool, en voltyds skoolgehou die laaste paar weke.
As ek klaar gewerk het, jaag ek huis toe, om ouma geselskap te hou. Dan moet ek ook tussen deur seker maak die kaste is vol kos, die kos is op die tafel en daar is skoon klere in die kas. Ouma help so bietjie met huis skoonmaak en is 'n groot hul met die wasgoed, so tussen die 2 van ons hou ons die huishouding aan die gang. Voltyds werk en huishou is saam 'n kombinasie wat 'n paar uur meer per dag sal waardeer!!
Hier is 'n paar fotos van die omgewing waar ons huis gekoop het. Dieselfde area, net so mooi! En die bonus, Melaluca Lakes wat agter ons huis le. En die baie bome, wat "great" is. Geen bure te naby wat ons kan pla nie. Net die voels wat in die bome sing, die paddas wat in die aand hul deuntjie sing en die eende wat gereeld van hul laat hoor. Dis nie die hemel nie, maar beslis die paradys!!
In die foto bo is 'n pad agter die meer, en die bome op die horison. Ons huis le net regs, agter die bome.
Ouma en die kinders, wag rustig vir ma wat fotos neem.
Die speelpark naby ons huis. Is dit nie die lewe nie????
2 comments:
Ek is mal oor jou blog hoor!!! ;-) Lynette
Hi Lynette
Baie dankie!
Post a Comment