Ons besluit om huis te bou in ons nuwe land

Ons het ons eerste huis gekoop, slegs 2 maande nadat ons "Permanent Residents" geword het.  Ons wou graag bou, maar finansieel was dit nie moontlik nie.  In 2009 was dit goedkoper om huis te koop as om te bou, en ons het besluit ons volg die goedkoper uitweg.  MAAR ... grond in Ozland is ongelooflik duur, hier betaal jy vir 'n klein huisie dieselfde prys wat jy in RSA vir 'n "mansion" betaal.  Dis skrikwekkend om terug te werk na Rande, en daarom word daar in Ozland gese dat elke Australier se droom is om 'n huis te besit.  Omdat jy ook  'n 20 % deposito moet neersit, is dit nie almal wat in hul  eie huis kan besit nie.  Maar genadiglik het ons ons huis in RSA verkoop voordat ons na Ozland toe gekom het, en ons kon daardie geld gebruik as deposito om 'n huis te koop. So het ons ons eerste huis gekoop, en nou, 4 jaar later het  ons besluit om ons eie huis te bou.  Ons het 'n karavaan gekoop, en besluit dat ons $150 'n maand kan spaar aan "storage", en ons nuwe huis te ontwerp sodat ons karavaan in ons eie erf kan staan.  So het ons begin soek na 'n  geskikte erf, en toevallig op hierdie een afgekom, skaars 1 km soos die kraai vlieg van ons huidige huis af. Hier volg 'n "timeline": Dag 1:  "Site cut"  (Erf word geskraap) Dag 2:  Piers word gegrawe Dag 3:  Piers word gevul met sement Dag 4:  Pype word gele Dag 5:  Hout gepak as raam om die fondasie Dag 3:  Hier is ons erf geskraap, en diep gate is  gegrawe (Piers) .  Voordat jy die erf koop, word daar eers 'n "soil test" gedoen.  Die bevinding op ons erf was dat daar onder die grond baie plantmateriaal is, bome wat net bogronds afgekap  is en die wortels is net so gelos, en dit kan  veroorsaak dat jou fondasie kraak.  Om dit te voorkom, word daar piers gegrawe, en hoe diep dit is, kan ek jou nie se nie.  Hier is die eerste fotos, waar die "piers"met sement gevul word.  Daar is altesaam 17 wat moes gevul word. Dag 4:  Die pype is gele vir die badkamers, kombuis en waskamer.  In die agtergrond is 'n "massive" huis gebou, en toevallig vind ons uit dat die huis aan oud- Suid-Afrikaners behoort.  Hoe toevallig ... koop 'n erf in Ozland, en jou bure is Suid-Afrikaners!! Links sien jy 'n fondasie gegrawe, dit is die muur van die garage wat op die boulyn gegrawe is.  Omdat dit op die boulyn is, moet dit 'n dubbelmuur wees, en dis die  enigste plek waar daar 'n fondasie onder die grond  gegooi is ... met ekstra staalwerk.  (soos die foto bo kan jy sien dat buurman se garage ook op die boulyn gebou is) Hier le die polystyreen, afgelwer vir die fondasie. Dag 5:  Planke word op die buitekant van die fondasie gepak, reg om die volgende dag die boks te bou om die polystyreen.